ა) PS5-ს ისევე როგორც ყველა ტიპის ტექნიკას, რომელსაც აქვს ქულერიანი გაგრილების სისტემა, რეკომენდირებულია წელიწადში ერთხელ ჩაუტარდეს ტექნიკური წმენდა. რაც არ გულისხმობს მხოლოდ მტვრისგან გასუფთავებას. აუცილებელია თხევადი მეტალის და თერმო წებოების შეცვლა.

შეიძლება მოსმენილი გქონდეთ მითი - "თხევად მეტალს არ სჭირდება შეცვლა" - მაგრამ ეს არ შეესაბამება სინამდვილეს. თხევადი მეტალი იმის გამოა გამოყენებული PS5-ში რომ აქვს ტემპერატურის ბევრად მაღალი გამტარიანობა ვიდრე თერმო პასტას.  მაგალითისთვის ერთ-ერთ საუკეთესო თერმო პასტას აქვს 14.2 W/mk, ხოლო თხევად მეტალს - 73W/mk, მაგრამ ეს იმას არ გულისხმობს რომ თხევად მეტალს არ აქვს ცვეთა და არ საჭიროებს შეცვლას.

PS5-ს შიდა მეხსიერებს არის ინტეგრირებული, რაც ნიშნავს რომ დაზიანების შემთხვევაში მას მარტივად ვერ შეცვლით. ამის გამო უფრო მეტი სიფრთხილე და ყურადღება გმართებთ.

ა) იმისთვის რომ არ დაგიზიანდეთ ოპერაციული სისტემა ან SSD მეხსიერება თავისუფალი ადგილი უნდა გააკონტროლოთ,  სასურველია 80 GB - თავისუფალი  ადგილი სულ იყოს დატოვებული ინტეგრირებულ SSD-ზე, რათა ჩიპებს შორის ინფორმაციის გაცვლა თავისუფლად მოხდეს და არ გადახურდნენ.

ხშირად გვეკითხებიან - PS5 უნდა იყოს ვერტიკალურ თუ ჰორიზონტალურ პოზიციაში? - პასუხი არის უმჯობესია იყოს ჰორიზონტალურ პოზიციაში. ეხლა განვიხილოთ რატომ?

როგორც იცით PS5-ს პროცესორზე უსვია თხევადი მეტალი, რომელიც კონსისტენციით ჰგავს ვერცხლის წყალს.

ვერტიკალურ მდგომარეობაში მუშაობისას თხევადი მეტალი ნელ-ნელა ჩამოდის ქვევით და გროვდება პროცესორის ქვედა ნაწილში. მართკუთხედი პროცესორის ზედა ნაწილი დროთა განმავლობაში რჩება თხევადი მეტალის გარეშე და პროცესორის კრისტალი პირდაპირ კონტაქტში შედის გაგრილების ალუმინთან, რაც იწვევს კრისტალის დაზიანებას. რომც შეუცვალოთ თხევადი მეტალი, პრობლემა მაინც ვერ გვარდება, რადგან კრისტალის დაზიანებული ნაწილი ვეღარ იღებს თხევად მეტალს და საჭირო ხდება კრისტალის პოლირება (გაპრიალება). 

1.      ადგილის მოწყობა:

ა) Xbox უნდა დადგათ ისე რომ სავენტილაციო ადგილები კედლიდან (ან სხვა მყარი ზედაპირიდან) დაცილებული იყოს მინიმუმ 20 სანტიმეტრით, უკანა მხარე (სადაც ერთდება HDMI და Power კაბელები) კედლიდან დაცილებული იყოს მინიმუმ 30 სამტიმეტრით.
ბ) HDMI და Power კაბელები ისე უნდა დაამაგროთ, რომ არ დაიქაჩოს და არ გამოიწვიოს პორტების დაზიანება;
გ) არავითარ შემთხვევაში არ შეიძლება კაბელებმიერთებული Xbox-ის მოძრაობა (მაგიდაზე გადაადგილება; მაგიდაზე მტვრის გადაწმენდის მიზნით ხელში აღება;)

2.      სწორი გათიშვა:

როდესაც ვეკითხებით Xbox-ის მომხმარებლებს კონსოლის გამორთვის შესახებ ~80% არასწორ გზას გვპასუხობს. განვიხილოთ გამორთვის მეთოდები:

უმეტესობა თიშავს კონტროლერზე Xbox ღილაკზე დიდხანს დაჭერით გამოსული მენიუდან "Turn off console" - ბრძანების არჩევით. ეს მეთოდი არ არის გათიშვა. იმის გამო რომ სისტემის ჩატვირთვას Xbox One - ცოტა დიდხანს ანდომებდა Microsoft-მა მითითებულ ღილაკზე დააყენა ძილის რეჟიმი, ამ მეთოდით დაძინებული კონსოლი ბევრად ნაკლებ დროს ანდომებს ჩართვას. Xbox Series X და Series S - SSD მეხსიერება აქვს და სისტემის ჩატვირთვისას დროის პრობლემას ნამდვილად არ უჩივის, მაგრამ მწარმოებელს არ შეუცვლია გათიშვის მეთოდები ახალ სისტემაში და "Turn off console" - ისევ კონსოლის დძინებას ნიშნავს.

დროის მხრივ ძალიან კომფორტულია Xbox-ის ძილიდან გამოღვიძება, მაგრამ სულ ძილის რეჟიმის გამოყენება იწვევს სხვადასხვა პრობლემებს:
ა) იმისდა მიუხედავად თამაშობთ თუ არა კონსოლი სულ ჩართულია და ტყულად "ცვდება". შეიძლება ბევრს არ თამაშობდეთ მაგრამ თერმო პასტა და თერმო ბალიშები მაინც ხმება და მალე ხდება შესაცვლელი.
ბ) სულ ჩართული კვების ბლოკი ვერ გრილდება და დენის პატარა გათამაშებაზეც კი ადვილად იწვება. ასევე SSD-მეხსიერებასაც სჭირდება დასვენება. (SSD-ს პრობლემებზე ცალკე ვისაუბრებთ).
გ) ჩართული ან დაძენებული კონსოლის დენიდან გათიშვა არავითარ შემთხვევაში არ შეიძლება. თუ სძინავს უნდა გააღვიძოთ და პროგრამულად გათიშოთ: